Të hënën në Durrës është zhvilluar kampionati ko mbëtar i peshëngritjes për të rritur. Ky eveniment do të shërbejë edhe si test për të përcaktuar emrat që do të marrin pjesë në Europianin që do të mbahet në Tiranë nga 5-15 prill. Sportistja më e mirë u shpall Fetie Kasaj e Tiranës, ndërsa te meshkujt Daniel Godelli. Në përfundim ekipi më i mirë te meshkujt shpallet Elbasani me 511 pikë, në vend të dytë renditet Vllaznia me 461 pikë. Podiumi plotësohet nga Teuta me 251 pikë. Garat kanë qenë të forta dhe në mes ekipeve të Elbasanit dhe Vllaznisë ka patur rivalitet por mungesa e Erkand Qerimajt që nuk është lejuar të bëjë garë ngaqë ende nuk i ka përfunduar pezullimi, e ka kushtëzuar shpalljen e Vllaznisë kampione.
Në peshën 62 kg Emanuel Lushi i Vllaznisë me 228 kilogramë zuri vendin e tretë. Në peshën 69 kg Gridi Jahja i Vllaznisë ngriti në dygarësh arriti 260 kg duke zënë vendin e tretë. Në peshën 77 kg Admir Smoqi i Vllaznisë me 269 kg u rendit i dyti. Në 85 kg Xhulio Prroni i Vllaznisë me 315 kg në dygarësh u rendit i dyti. Në peshën deri 94 kg vendi i parë i takon Marian Bregut të Vllaznisë, i cili ngriti 317 kg. Garat u mbyllen me peshën +105 kg, ku vendi i parë u fitua nga Isa Bala i Vllaznisë me 167 kg në shkëputje dhe 185 kg në shtytje. Kësisoj me vendin e dytë si ekip, me dy peshëngritës kampion në peshat e tyre, dy të tjerë në vend të dytë dhe dy të tjerë në vend të tretë, pjesmarrja e ekipit të Vllaznisë në këtë garë ka qenë shumë e mirë. Nga shtatë sportistët pjesmarrës, 6 prej tyre kanë qenë në podium dhe ky është sukses, çka tregon se trajnerët Barkiçi, Tuzi e Lagja punojnë mjaft mirë me këta sportistë.
www.shkodrasport.com
