Mesdita e neserme do te dhuroje nje sfide shume interesante e cila eshte e gjitha per t’u ndjekur nga tifozet shkodrane dhe jo vetem. Ne oren 13.00 perballe njeri- tjetrit ne fushen sportive “Reshit Rusi” do te jene ekipet e 21 vjeçareve te Vllaznise dhe Partizanit.
Nje sfide qe mund te vendose shume gjera sa i takon titullit kampion te ketij sezoni. Keto dy skuadra sebashku edhe me Bylisin jane pretendentet per titullin kampion te ketij sezoni.
Takimi i neserm eshte i vlefshem per javen e 22-te te kampionatit dhe Bylis nderkohe e ka luajtur ndeshjen e tij duke fituar 5-1 ndaj Dinamos dhe ndodhet ne kuoten e 28 pikeve. Vllaznia dhe Partizani pa ndeshjen e neserme ndodhet perkatesisht ne kuotat e 27 dhe 24 pikeve.
Kujtojme qe Partizani javen e kaluar mundi Bylisin “duke i bere” nder Vllaznise por edhe duke futur veten ne garen per titull. Çka do te thote se do te tentoje fitoren edhe neser ne Shkoder.
Megjithate djemte shkodrane te drejtuar nga trajneri Elvis Plori kane me shume motiv dhe arsye per te tentuar fitoren. Atyre nuk u ben pune barazimi sepse do te kishin me pas te njejten kuote pikesh me Bylisin dhe nisur nga perballjet direkt, ballshiotet do te ishin me te favorizuar per titullin kampion.
Ndeshja po ashtu luhet ne Shkoder dhe interesi kete here pritet te jete me i madh se ne perballjet e kaluara sepse kete here mund te vendosen shume gjera sa i takon titullit kampion. Te pranishem pritet te jene edhe drejtuesit e klubit Vllaznia, stafi i ekipit te pare dhe shume tifoze.
Ne dy kampionatet e para te kesaj grupmoshe, Bylis eshte shpallur kampion dhe Vllaznia ne te dy rastet ka zene vendet e dyta. Kete here duket se ka ardhur momenti per te ndryshuar vendet e per ta bere kete gje pikesepari duhet mundur neser Partizani. Nje sfide aspak e lehte sepse te kuqte e drejtuar nga trajneri Gerti Haxhiu kane treguar se jane shume te forte./SHKODRA-SPORT.COM/
