Tashmë Superiorja ka hyrë në sprintin final, megjithatë skuadra e dytë që do t’i bashkohet Lushnjës për të rënë nga kategoria ende s’është përcaktuar.
Teuta, Vllaznia dhe Kamza janë në këtë valle. Durrsakët triumfuan dje ndaj Kukësit, fitore e rëndësishme për vetë pozitat që “Djemtë e Detit” gjenden në tabelën e klasifikimit.
Ndërkohë Vllaznia dhe Kamza u ndalën në një barazim pa gola, rezultat që favorizon skuadrën e kamzalinjve të drejtuar nga Julian Ahmataj.
Sot, në kanalin zyrtar të klubit të Kamzës është bërë një postim në rrjetet sociale ku ironizohet ky moment në të cilën gjendet Superiorja.
Sipas tyre shkodranët janë me thikë në dorë dhe tentojnë të godasin pas shpine, ndërsa durrsakët presin dhuratat nga babagjyshi i Vitit të Ri, që në këtë rast është Federata Shqiptare e Futbollit. /newsport/
