N’Golo Kante ishte mes protagonistëve të Kampionatit Europian, Gjermani 2024, teksa u shfaq në super formë me kombëtaren e Francës.
Kjo formë e mesfushorit nuk ka kaluar pa rënë në sy, me West Ham që dëshiron ta rikthejë 33-vjeçarin në Premier League.
Mediet britanike raportojnë se “The Hammers” i kanë bërë ofertë klubit të Al Ittihad për transferimin e Kante-s.
West Ham, raportohet se i ka bërë një ofertë të parë prej 18 milionë euro klubit saudit, ndërsa këta të fundit ende nuk kanë kthyer një përgjigje.
Nëse transferimi do të realizohej, ky do të ishte një rikthim pas një viti për Kante-n në Premier League, pasi verën e 2023-shit u largua nga Chelsea për t’u bashkuar me klubin arab të Al Ittihad.
