Vllaznia në basketboll për meshkuj ka arritur deri më tani të fitojë dy ndeshje dhe ka humbur një tjetër. Të shtunën ndërkohë, ajo do të luajë ndeshjen e rradhës teksa do të presë në Shkodër ekipin Kamza Basket. Për kapitenin Ervin Berdica, kjo është një ndeshje e cila duhet patjetër të fitohet në mënyrë që të sigurojë qetësi për vazhdimësinë.
“Fitorja e para dy javëve me Partizanin në Tiranë na ka dhënë një siguri në vetvete se mund t’ia dalim të arrijmë objektivin që kemi për momentin, për të qenë në garë për vendin e dytë. Për t’ia arritur kësaj, duhet të kalojmë njëherë Kamzën në ndeshjen e kësaj jave. Mundësitë i kemi për ta fituar këtë ndeshje. Gjendja e ekipit po vjen duke u rritur nga takimi në takim dhe kësisoj duhet patjetër që të fitojmë edhe këtë javë sepse më pas kalendari do të jetë i vështirë ngaqë udhëtojmë drejt kryeqytetit për t’u ndeshur me Tiranën që dihet se ka një ekip shumë të mirë”- ka thënë kapitenit Berdica.
© shkodrasport.com
