Lajme të mira nga infermieria e Vllaznisë. Kapiteni Gilman Lika gradualisht po shkon drejt rikuperimit të plotë dhe në dy ditët e fundit ai është stërvitur me grupin. Kjo do të thotë se për ndeshjen e së shtunës ndaj Shënkollit është e sigurtë që do të jetë në 18-she.
Nëse do ta nisë nga fillimi apo jo, kjo pastaj është çështje tjetër dhe është në dorën e trajnerit Lika. E rëndësishme është që ky i fundit do të ketë më shumë alternativa në dispozicion për këtë takim të rradhës.
Por nëse Lika do të jetë i gatshëm, kjo nuk mund të thuhet për dy lojtarët e tjerë, portierin Selimaj dhe mesfushorin Bardulla.
I pari ka filluar një stërvitje të lehtë por ende nuk është gati për lojë ndërkohë që i dyti duket se të paktën deri në janar nuk do të mundet të luajë si rrjedhojë e problemeve që ka me kaviljen.
Vllaznia do ta ketë si detyrë fitoren edhe në Shënkoll të shtunën ndaj vendasve. Një sfidë e cila konsiderohet e vështirë megjithatë për të gjithë pjestarët kuqeblu është mëse e kalueshme edhe kjo.
www.shkodrasport.com
