Një nga pikat e forta të skuadrës shkodrane është edhe Gilman Lika. Ka mbajtur shiritin e kapitenit dhe është një nga më të spikatur në Shkodër, por edhe vendimtar në disa ndeshje.
Në një prononcim për Rtshsport, Lika ka pohuar: “Jeni duke vijuar përgatitjet. Kemi bërë ndeshje shumë të mira, e madje edhe ndaj ekipeve shumë të forta që kanë synime madhore dhe duan titullin. Mendoj si lojtar me eksperiencë dhe duke njohur edhe rivalët, se mundësitë e Vllaznisë janë edhe për më tepër me kontigjentin që ka”, – tha Lika fillimisht.
Përgatitjet
Në një palestër force, lojtarët e Vllaznisë i sheh që të punojnë me një program enkas….Lika ka edhe një thirrje për skuadrën, e sidomos lojtarët e rinj: “Unë si kapiten dhe deri te lojtari më i fundit, duhet që të sakrifikojmë, të punojmë shumë në këtë mini-fazë përgatitore, në mënyrë që të jemi më solide në pjesën e dytë të garës. Për mendimin tim do të jetë më e vështirë”.
Ambiciet
Lika tregon edhe ambiciet në aspektin personal që ai ka për Vtitin 2020. “Jam i kënaqur me atë që kam bërë deri më tani, sidomos në pjesën e parë të këtij sezoni, por duhet që të jap më shumë. E di kapacitetin tim, ndaj edhe po punoj që të jap akoma më shumë në pjesën e dytë të garës”.
Merkato
Lika, si kapiten dhe lojtar me eksperiencë që është aktivizuar në ekipet më të mira të vendit tonë, krahas shkodranëve, ku ka veshur fanellat e Tiranës, Skënderbeut, apo dhe Flamurtarit, në lidhje me nevojën për merkato të Vllaznisë ka theksuar se:
“Siç dihet, kampionati është i fortë, ndaj edhe përforcimet janë të nevojshme. Pozitive është që jemi shumë afër kreut dhe mendoj se me një merkato të mirë, me lojtarë ku ka nevojë ekipi, do të jemi akoma më mirë se në pjesën e parë të sezonit”, – tha Gilman Lika në fund të prononcimit./vipsport/
