Vllaznia do jetë sot përballë Kastriotit në javën e 18-të të Superligës. Një ndeshje që parashikohet të jetë shumëe luftuar nga ana e të dy skuadrave.
Shkodranët që duan 3 pikët në kampionat pas 4 barazimeve rradhazi dhe krutanët që duan ti shkëputen fundit të tabelës. E pikërisht Emiljano Çela, trajneri i Kastriotit duket se ka përgatitur edhe formacionin për ndeshjen kundër kuqebluve.
Kështu në portë pritet të jetë Sali. Vlonjati ka bërë mirë gjatë këtij kampionati dhe duket se do vijojet ti besohet aftësive të tij. Mbrojtja e rreshtuar me katër, ku në të djathtë do jetë Neziri, i cili është edhe kapiteni i ekipit. Po përkah tij edhe Dida e Hussein në qendër e Rami në të majtë.
Mesfusha pritet të përbëhet nga emra të njohur dhe ish-futbollistë të Vllaznisë ku spikasin dyshja Karakaçi-Hasani. E po ashtu vend pritet të ketë edhe për Onanuga. Sulmi po ashtu pritet me një treshe ku do udhëhiqet nga ish-sulmuesi i Vllaznisë në fazën e parë, Kaina. Që do ketë edhe ndihmën e Grecës dhe Okebugwu.
Ky pritet të jetë edhe formacioni startues i krutanëve sot. Patjetër që edhe ata po përgatiten për një sfidë shumë të vështirë siç është kjo kundër Vllaznisë, që është ndër ekipet më të mira të këtij kampionati.
Endri ÇINARI
