Skuadra shkodrane jo vetëm që nuk ia doli të fitonte sot ndaj Partizanit por nga kjo ndeshje ka dalë edhe me probleme të tjera.
Bëhet fjalë për dëmtimet e pësuara nga disa prej lojtarëve titullarë të saj.
Dy prej tyre, pikërisht mbrojtësit Sedat Berisha dhe Olsi Gocaj, nuk kanë mundur ta përfundojnë ndeshjen ngaqë për shkak të dëmtimeve të pësuara, kanë kërkuar zëvendësim të detyruar.
Por jo vetëm ata. Me probleme kanë dalë nga fusha edhe Ardit Krymi e Erjon Vucaj.
Të dy ata, sidomos në pjesën e dytë, është parë qartë se nuk kanë dhënë më të mirën e mundshme si pasojë e dëmtimeve që kanë patur.
Në këtë mënyrë nga nesër e deri të dielën, stafi mjekësor i Vllaznisë do të ketë shumë punë për të parë gjendjen e këtyre katër futbollistëve me shpresën që të rikuperojë sa më shumë prej tyre.
Sfida e rradhës është ajo e së hënës me Kukësin dhe padyshim që ekipi duhet të jetë i plotë sepse kemi të bëjmë me një ndeshje shumë të vështirë ku patjetër duhet tentuar marrja e një rezultati pozitiv.
© shkodrasport.com
