Ish-trajneri i Vllaznisë, Edi Martini, kërcënoi pak minuta më parë Partizanin, nëpërmjet një postimi në Facebook, duke thënë se bota është e rrumbullakët dhe se jeta vazhdon.
Ky kërcënim i Martinit, erdhi pas humbjes së Partizanit ndaj Kamzës, 1-0, rezultat që çoi Vllazninë në Kategorinë e Parë.
Pas këtij shkrimi të Martinit, ka reaguar dhe ish-drejtori i Partizanit, Dritan Dervishi.
Në një prononcim për newsport.al, Dervishi ka replikuar me Martinin, duke thënë se fajin për rënien e Vllaznisë nuk e ka Partizani, por vetë klubi shkodran.
“Jam me ty profesor dhe ti nuk ke asnjë faj. Bota është e rrumbullakët dhe sot morën përgjigjen ata që për 5 vjet bënë aleanca me kampionët, në kurriz të të tjerëve.
Tirana vjet ra prej aleancës që sot iu dhuroj 5 gola. Gjeje fajin në shtëpinë tënde, jo te komshiu. Kamza e meritoi Superligën. Vllaznia nuk ra sot profesor”, ka thënë Dervishi ndaj Martinit, për newsport.al.
