Granit Xhaka dhe Xherdan Shaqiri ishin dy futbollistët shqiptarë që arritën të mposhtnin Serbinë falë golave të tyre, në atë fitore me rezultatin 2-1 të Zvicrës në mbrëmjen e sotme.
Fillimisht do të ishte mesfushori i Arsenalit që me një gjuajtje të fuqishme nga distanca, do të linte të befasuar portierin Stojkoviç, për të rikthyer baraspeshën e përkohshme, përpara se Shaqiri të vuloste fitoren përfundimtare.
Në fundin e takimit, Granit Xhaka në rrjetin zyrtar në “Instagram”, ka shpërthyer për golin e realizuar teksa ka publikuar një foto të festimit të tij me shqiponjë duke shkruar në të:
“Moj Serbi rrjetën ta shpova, se mu m’thojnë Granit Kosova”. /vipsport/
