Sesioni i merkaton së janarit është mbyllur dhe muaji shkurt ka ardhur, që do të thotë se do të kthehet Champions League.
Përveç ndeshjeve të mëdha që do të luhen në kompeticionin më të rëndësishëm për klube, këtë muaj do të luhen edhe disa super ndeshje të tjera në kampionatet europiane.
Më poshtë keni listën e të gjitha ndeshjeve që asnjë tifoz i futbollit nuk mund të humbasë këtë muaj.
LaLiga
Këtë muaj, do të zhvillohen disa përballje derbi në La Liga, nga ai katalanas, që do të zhvillohet këtë të diel (4 shkurt, 16:15), te përballja derbi Velancia-Levante (11 shkurt, 20:45).
Edhe kalendari i Atletico Madrid është shumë tërheqës, duke parë se bardhekuqtë do të luajnë kundër Valencia (4 shkurt, 20:45) dhe Sevilla (25 shkurrt, 20:45).
Premier League
Në Angli do të zhvillohen disa përballja të forta mes gjashtë skuadrave të para, duke filluar nga takimi i kësaj fundjave Liverpool-Tottenham (4 shkurt, 17:30).
Një javë më vonë do të luhet derbi i Londrës Veriore (10 shkurt, 13:30), që do të pasohet nga super ndeshje Manchester United-Chelsea (25 shkurt, 15:05).
Në të njëjtën ditë, Pep Guardiola do të kthehet në “Wembley” për të luajtur finalen e Kupës së Ligës kundër Arsenal (25 shkurt, 17:30).
Ligue 1
Edhe Franca do të ofrojë disa ndeshje tërheqëse, nga Lyon-St. Etienne (24 shkurt, 20:00) te PSG-Marseille (25 shkurt, 21:00).
Bundesliga
Ndeshja më e madhe në Bundesliga për muajin shkurt do të jetë Bayern Munich0Schalke (10 shkurt, 18:30).
Serie A
Në Itali do të luhet Roma-Milan (25 shkurt, 20:45).
Champions League
Raundi i 1/8-ve i Champions League do të oforjë disa përballje ëndrrash, nga Real Madrid-PSG (14 shkurt, 20:45) te Chelsea-Barcelona (20 shkurt, 20:45), Juventus-Tottenham (13 shkurt, 20:45) dhe Sevilla-Manchester United (21 shkurt, 20:45).
Europa League
Villarreal do të ketë një përballje interesante në 1/16 me Lyon (15 shkurt, 21:05), me ndeshjen e parë që do të zhvillohet në Francë, ndërsa takimi i kthimit do të luhet shatë ditë më vonë në Spanjë (22 shkurt, 19:00)./telesport/
