KF Shiroka ka marre nje tjeter fitore ne kampionat. Pasditen e sotme ajo ka mundur me rezultatin 6-2 ekipin e Himares, ne nje ndeshje te prapambetur, ate te vlefshme per javen e katert te kampionatit te kategorise se trete. Ajo eshte luajtur ne fushen sportive “Skender Halili” te kryeqytetit dhe eshte dominuar nga ekipi shkodran.
Ka qene sulmuesi Klaudio Kodra qe ka zhbllokuar shifrat ne minuten e 8-te dhe pas dy minutash do te ishte kapiteni Mersian Muliu qe do te dyfishonte shifrat. Megjithate Himara u mundua te qendronte ne loje dhe rihapi ndeshjen duke shenuar ne minuten e 15-te me anen e futbollistit Shehu.
Por Shiroka do te shenonte edhe nje gol tjeter me ane te Vincent ne minuten e 27-te dhe ne kete menyre pjesa e pare e ndeshjes do te mbyllej ne shifrat 3-1. Po kaq gola ne fakt do te shenonin te dy ekipet edhe ne 45 minutat e pjeses se dyte duke sigluar rezultatin e pergjithshem 6-2 ne favor te miqve.
Per KF Shiroken tre golat e pjeses se dyte do te kishin per autore futbollistet Ogungbire, Micheal nderkohe qe nuk do te mungonte edhe nje tjeter gol i kapitenit Muliu per te vulosur fitoren e ekipit te tij.
Me fitoren e sotme, ekipi shkodran eshte ngjitur ne kuoten e 10 pikeve, me 3 fitore, 1 barazim dhe 2 humbje ne ndeshjet e deritanishme dhe me golaverazhin 13-9. Per momentin ai eshte i pozicionuar ne vendin e trete, nderkohe qe perpara tij ne renditje eshte Partizani B me 13 pike dhe Eagle Football me 14 pike./www.shkodrasport.com/
