Nga Maringlen ZHIVANI
KF Shiroka do të luajë në shtëpi ndeshjen e dytë të këtij sezoni debutues në Kategorinë e Tretë. Ajo do të presë ditën e sotme në fushën sportive “Reshit Rusi” ekipin e Bulqizës. Sfida është parashikuar të luhet në orën 14:30 ditën e sotme.
Në këtë sfidë, KF Shiroka do të kërkojë tre pikët e para për këtë sezon. Për këtë, ajo kërkon edhe mbështetjen e tifozëve shkodranë për këtë ndeshje të parë zyrtare në Shkodër.
Te KF Shiroka janë të bindur për arritjen e një rezultati pozitiv, teksa bashkë me ndihmën e tifozërisë, shpresojnë që t’ia dalin dhe të marrin tre pikët e para në kampionat.
Kujtojmë që, KF Shiroka drejtohet nga trajneri i njohur Fatmir Axhani dhe synimet janë ambicioze këtë sezon për ngjitjen në Kategorinë e Dytë.
