Leo Messi larg Barcelonës në rast të pavarësisë së Katalonjës? Përfshirja e një klauzole largimi pa kundërshpërblim, në kontratën e re të yllit argjentinas, e bërë publike nga “El Mundo”, ka bërë bujë në të gjithë botën futbollistike, duke shpërthyer një seri komentesh. Vetë i interesuari direkt, Leo Messi ka qëndruar i heshtur, por në vend të tij ka folur babai, Jorge. I intervistuar nga radio “La Red”, babai i yllit argjentinas të Barcelonës ka specifikuar çështjen, ndonëse realisht pa hyrë shumë në detaje:
“Janë të gjitha gjëra të pavërteta. Leo ka një marrëveshje me Barcelonën, për të qëndruar deri sa të luajë në një kampionat konkurues dhe kjo nuk do të ndryshojë edhe në rast të pavarësisë së Katalonjës. Nëse Barça do të qëndrojë në një turne të nivelit të lartë, Leo do të qëndrojë”./telesport/
