Pasditen e sotme në pallatin e sportit “Qazim Dervishi” është luajtur ndeshja kryesore e kampionatit kombëtar të basketbollit për femra në mes Vllaznisë dhe KB Tiranës. Luanin përballë njëra- tjetrës dy ekipet e vendeve të para dhe në fund ka triumfuar përvoja e bardhebluve dhe po ashtu edhe cilësia e lojtareve të huaja që janë pjesë e tyre.
Vllaznia rezistoi vetëm 30 minuta dhe jo më shumë. Dalja fillimisht jashtë me personale e kapitenes Mustafa dhe më pas edhe e I. Dashjes, prishi ekuilibrat në fushë ndërkohë që ekipin shkodran e ka mundur thuajse e vetme lojtarja e huaj e Tiranës, Nikolina Popoviç. Ajo në total ka shënuar 33 pikë, nga të cilat plot 27 me gjuajtje trepikëshe.
Tek ekipi shkodran ka spikatur mbi të gjitha Klea Verri, 17 vjeçarja e cila ishte më e mira për të. Ndonëse nuk luajti gjatë gjithë ndeshjes, arriti të shënonte 24 pikë, nga të cilat shënoi 6 trepikësha.
Vllaznia në fund është mundur me rezultatin 57-74 por duhet thënë se ky rezultat nuk i përgjigjet plotësisht lojës së zhvilluar. Pikët për ekipin kuqeblu janë shënuar respektivisht nga: Klea Verri (24), Mirela LUgaj (14), Ingrid Dashja (11), Orjeta Basha (4), Alba Dashja (4).
VLLAZNIA- KF TIRANA 57-74 (25-24, 12-10, 9- 15, 11-25)
© shkodrasport.com
