Trajneri i Kamzës, Klodian Duro në një prononcim për “Supersport” pas ndeshjes ndaj Luftëtarit është shprehur se ka besim te skuadra e tij dhe se mban çdo përgjegjësi për gjithçka.
“Jam i pari që nuk jam dakord me rezultatet negative dhe nuk më pëlqen aspak që loja që skuadra zhvillon nuk shpërblehet. Jam rrahur dhe më përpara me këto situata dhe nuk jam aspak i shqetësuar.
Ne duam të luajmë si grup dhe jo si individë, prandaj kemi ende shumë punë për të bërë.
Sigurisht që ato që ti ke parë dhe analizon ke të drejtë. Skema ishte është ajo që nxjerr një skuadër në fushën e lojës, e cila shprehet shumë mirë dhe fiton.
Nuk kemi fituar ndeshjet e fundit, por lojën tonë e kemi shprehur. Gjithmonë e nis me 4-4-2, por gjatë lojës ndryshoj shpesh. E vetmja gjë që na mungon për momentin është pjesa e finalizimit. Kam besuar shumë te emrat e mëdhenj të repartit të sulmit, por kemi pasur shumë probleme me ata lojtarë.
Sot kam aktivizuar me shumë besim një 17-vjeçar si Krasniqi dhe me ka pëlqyer. Lojtarët që unë aktivizoj përgjigjen ashtu siç unë dua, por mungesa e eksperiencës na ka penalizuar. Në stërvitje, ata më impresionojnë, ndërsa në fushë nuk më kanë bindur”, u shpreh Duro. /Vipsport/
