Takimi i nesërm në mes Vllaznisë dhe Skënderbeut konsiderohet shumë i rëndësishëm në kampin shkodran. Trajneri Gjoka sot ka kërkuar edhe falje për zhgënjimi që skuadra u solli në ndeshjen me Kukësin megjithatë u bëri thirrje të jenë edhe nesër në stadium për ta mbështetur atë sepse ka shumë nevojë për këtë mbështetje.
Por ndërkohë pak kohë më parë, edhe klubi përmes faqes së tij zyrtare, ka njoftuar se sportelet do jenë të hapura që në orën 09.00 dhe po ashtu në fund, ka bërë të ditur se ata besojnë tek futbollistët dhe duhet të besojnë edhe tifozët. Ja njoftimi i klubit Vllaznia:
NJOFTIM
Gjate dites se sotme ka vijuar shitja e biletave te ndeshjes Vllaznia- Skenderbeu nderkohe qe ju bejme te ditur se diten e neserme, sportelet do te hapen qe ne oren 09.00 ne menyre qe te eliminojme rradhet perpara fillimit te ndeshjes qe siç dihet starton ne oren 13.00.
Ne besojme tek Vllaznia, besoni edhe ju!
FORCA VLLAZNIA!
