Ndeshja Vllaznia- Kukësi duket se mezi pritët në Shkodër. Tifozët e kësaj skuadre kanë shumë dëshirë të shohin ndryshimet e bëra në merkaton e janarit dhe për këtë arsye, pritet të jenë në një numër të konsiderueshëm në shkallët e “Loro Boriçit” pasditen e nesërme. Ndërkohë, edhe klubi Vllaznia përmes një njoftim zyrtar të publikuar pak minuta më parë,u ka bërë thirrje tifozëve të jenë të pranishëm për të mbështetur skuadrën e tyre. Po ashtu, janë bërë të ditura edhe çmimet e biletave të kësaj ndeshje të cilat janë të njëjta me ato të ndeshjeve të mëparshme.
Ja njoftimi i plotë i KF Vllaznia:
Sot në orën 09.00 në sportelet pranë stadiumit “Loro Boriçi” do të nisë shitja e biletave të ndeshjes Vllaznia- Kukësi që do të luhet pasditen e së premtes në orën 17.00. Çmimet e biletave do të jenë si në ndeshjet e tjera, pra 200 lekë për tribunat, C, D dhe E, 500 lekë për tribunat A dhe B si dhe 1000 lekë për tribunën VIP. Interesimi për këtë sfidë të parë të këtij viti duket më i madh se në ndeshjet e tjera sepse merkatoja e zhvilluar nga skuadra jonë ka ngrohur tifozët dhe padyshim që të gjithë presim fitore në këtë ndeshje të parë.
KF Vllaznia fton të gjithë tifozët shkodranë të jenë të pranishëm në shkallët e stadiumit “Loro Boriçi” për të mbështetur skuadrën tonë për arritjen e një fitoreje që do të ishte me shumë vlera për ecurinë e mëtejshme të saj në kampionat.
© shkodrasport.com
