Kombëtarja e Shqipërisë është ftuar të marrë pjesë në një aktivitet boksi që do zhvillohet në Prishtinë sot më datë 8 tetor. Ekipi kombëtar shqipëtar do marrë pjesë me 4 boksierë e pikërisht në kategorinë 64 kg Kristian Shytani, 69 kg Kristian Matia, 75 kg Emiliano Çekini e në kategorinë 81 kg Bekim Vjerdha. Trajner i ekipit kombëtar do jetë Jozef Sermi. Ky aktivitet organizohet nga legjenda e boksit kosovar Aziz Salihu dhe objektivat e boksierëve tanë (janë të katër të ekipit të Vllaznisë) janë për të zënë vendet e para në peshat respektive. Trajneri Sermi është shprehur entuziast para nisjes për një paraqitje të mirë të boksierëve që ai drejton. Në aktivitetin e sotëm të Prishtinës do marrin pjesë boksierë nga disa vende të rajonit dhe pritet të ketë një rivalitet të fortë mes tyre për vendet e para.
