Ekipi i Kombetares se Shqiperise U-19 ka zyrtarizuar dy ndeshje miqesore ndaj perfaqesues se Malit te Zi U-19, ne muajin qershor. Dy federatat kane rene dakord per zhvillimin e ketyre dy sfidave ne datat 5 dhe 7 qershor.
Ndeshja e pare do te zhvillohet ne Malin e Zi, me 5 qershor, ne ora 17:30, ndersa perballja e dyte do te luhet ne po te njejten ore ne Shkoder, ne stadiumin “Loro Borici”.
Keto pritet te jene dy ndeshje mjaft te vlefshme per skuadren dhe stafin e Kombetares se Shqiperise U-19, me ne krye trajnerin Armando Cungu, ne kuader te pergatitjeve qe ekipi po zhvillon per eleminatoret e kampionatit europian, me ndeshjet qe do te zhvillohen ne muajin shtator ne Belgjike.
Kuqezinjte jane shortuar ne grup se bashku me Spanjen, Belgjiken dhe Rusine, teksa kjo e fundit eshte pezulluar nga te gjitha kompeticionet e UEFA dhe nuk do te jete pjese e ketyre eleminatoreve.
Duke qene se jane data zyrtare, trajneri Cungu do te kete mundesi te ftoje te gjithe lojtaret e mundshem, jo vetem ata qe aktivizohen ne kampionatin shqiptar, por edhe ata qe luajne ne kampionatet e huaja.
Maringlen ZHIVANI
