Kombëtarja e femrave ka fituar sot me rezultatin e thellë 4-0 ndaj Qipros në ndeshjen e rradhës eliminatore të Kampionatit Europian, ndeshje kjo e luajtur në stadiumin “Loro Boriçi”.
Një sukses ky i merituar i vajzave të drejtuara nga trajneri Armir Grima, i cili në fakt ka munguar në këtë ndeshje si rrjedhojë e faktit se prej ditës së djeshme është karantinuar ngaqë ka rezultuar pozitiv me covid-19.
Por ndonëse nuk ka qenë i pranishëm fizikisht në stadium, ai ka qenë pranë skuadrës si përpara ndeshjes, ashtu edhe në pushimin e saj apo dhe në fund. Një gjë e tillë është bërë e mundur përmes video- konferencës së zhvilluar me ekipin.
Këtë gjë e ka zbuluar për mediat sulmuesja Megi Doçi e cila duke folur pas fitores, është shprehur: “Profesor Grima ashtu si gjithë herët e tjera, na ka mbështetur edhe sot, pavarësisht se nuk ishte fizikisht pranë nesh.
Ai edhe para ndeshjes, edhe në pushimin e saj ka qenë pranë nesh përmes video- konferencës, duke na udhëzuar dhe mbështetur dhe ia dolëm me sukses, edhe për meritë të punës së tij./SHKODRA-SPORT.COM/
