Kuqezinjtë 16-vjeçarë kanë mundur edhe San Marinon, 3-1,duke u shpallur kështu fitues të turneut miqësor “UEFA DEVELOPMENT U-16”, me tre fitore.
Skuadra e trajnerit Mustedanagiç ka zënë vendin e parë, duke bërë një paraqitje shumë të mirë.
Shqipëria U-16 mundi fillimisht Italinë me 11-metërsha dhe Armeninë 2-0. Në ndeshjen e sotme ndaj San Marinos organizator të turneut, kuqezinjtë u gjendën në disavantazh, por në pjesën e dytë përmbysën gjithçka me tre gola.
Dy gola u shënuan nga Papa dhe një nga Sulovari.
Trajneri Mustedanagiç aktivizoi sot këtë formacion: Ceka, Shehu, Zaimi, Kadriaj, Doda, Sulovari, Beqiri, Elbasani, Vasjari, Kuqi dhe Nikaj.
Siç shikohet, pjese e formacionit te kombetares tone kane qene ne kete ndeshje edhe dy futbollistet shkodrane, mesfushori Elbasani dhe sulmuesi Nikaj.
Rezultatet e trio ndeshjeve në San Marino:
Shqipëri-Itali 4-3 (me penallti)
Shqipëri-Armeni 2-0
Shqipëri-San Marino 3-1
