Kombetarja U17 qe prej dites se djeshme eshte grumbulluar ne Durres, perpara se te niset per ne Malte ku do te marre pjese ne nje turne qe do te zhvillohet atje me pjesmarrjen e disa ekipeve.
Trajneri Elvin Beqiri ne kete grumbullim ka ftuar disa futbolliste shkodrane dhe interesant eshte fakti se edhe kapitenin e ka zgjedhur nga Shkodra. Nga sa mesohet, i perzgjedhuri per te mbajtur shiritin eshte Marçelino Preka, mbrojtesi shtatelarte qe prej nje viti eshte pjese e kesaj kombetare.
Ai luan me KF Shkodra dhe ka spikatur me performancen e tij, aq sa edhe shume menaxhere jane vene ne kerkim te ketij lojtari. Madje pak kohe me pare, u provua per disa dite ne Itali dhe shpresat jane qe karriera e tij te vazhdoje ne vendin fqinj.
Duke folur ne lidhje me kete turne, trajneri Beqiri eshte shprehur: “Në muajin mars kemi një turne që zhvillohet çdo vit, vjet është zhvilluar në San Marino ndërkohë që këtë vit do të zhvillohet në Maltë. Do të luajmë kundër Maltës si organizatore, Skocisë dhe Danimarkës. Kuptohet që këto turne na bëjnë shumë mirë sepse zhvillojmë elementin e ri që është edhe objektivi i këtyre Kombëtareve.
Shpresojmë që të bëjmë më të mirën, të shofim sa më shumë elemente, sic e dini kemi thërritur element të rinj. Një muaj e gjysëm më parë zhvilluam një tjetër turne, në të cilin grumbulluam lojtarë të tjerë, për të parë sa më mirë të gjithë lojtarët.
Tani kemi turneun e dytë që zhvillojmë dhe kuptohet që do të vëzhgojmë elementët e tjerë që kemi grumbulluar. Ky turne është shumë i rëndësishëm sepse i shërben vëzhgimit të elementit të ri.
© shkodrasport.com
