Bajern Mynih do të udhëtojë ditën e sotme në Holstein Kil dhe zbret në fushë në orën 18:30.kompaniPas dy javësh Bundesligë, bavarezët grumbullojnë pikët e plota, ndërsa do të përpiqen të mbajnë të njëjtën ritëm edhe kundër ekipit të promovuar këtë edicion në ligën kryesore të Gjermanisë. Në prag të duelit në fjalë, trajneri Vinsent Kompani ka mbajtur konferencën për media, duke u ndalur në tema të caktuara.
RIVALI – “Ata janë fleksibël dhe të mirë në top. Ishin dominues sezonin e kaluar në Bundesliga 2, edhe pse janë promovuar, kjo ka mbetur në ekip. Gjithashtu të fortë në shtytje. Ne kemi përgatitur për lojën me shumë respekt për kundërshtarët, por padyshim që duam të fitojmë çdo ndeshje”, tha Kompani.
ROLI I KIMISH – “Ajo që ndodh me ekipin kombëtar nuk ka asnjë ndikim në punën time. Është një forcë e tij që ai mund të luajë në shumë pozicione, edhe gjatë një loje. Pra, nuk është një problem, por një zgjidhje. Ai gjithashtu ka thënë vetë se nuk e shqetëson atë”.
PËR PAVLOVIÇ – “Unë jam gjithmonë i kujdesshëm të flas për lojtarët e rinj. Kam qenë në atë situatë një herë dhe ju nuk dëshironi të etiketoni si një lojtar i ri. Ka të bëjë vetëm me performancën dhe ai po bën përparim çdo ditë. Ne me të vërtetë kemi një skuadër të jashtëzakonshme dhe të kesh kaq shumë lojtarë për të zgjedhur është një problem i mirë”.
SITUATA ME GORECKËN – “Të gjithë në skuadrën tonë kanë mundësinë për të luajtur. Të gjithë duhet të fitojnë shansin e tyre. Ne kemi shumë lojtarë, sikurse ndeshje me mbingarkesë të lartë, pra kontributi i çdokujt ka vlerë thelbësore”, vijoi “timonieri” i bavarezëve.
RRETH MUSIALËS – “Kam pasur fatin të jem prezent me një ose dy lojtarë të nivelit kaq të lartë. Ne jemi të kënaqur që e kemi atë. Ai mund të bëhet një nga tre ose katër lojtarët më të mirë në botë, për këtë jam i bindur, sepse punon shumë dhe është kërkues”, përfundoi Vinsent Kompani.
