Pas fitores së bavarezëve kundrejt Volfsburgut, fokusi është kryesisht në prapavijën e rekordmenëve. Minjae Kim dhe Daiot Upamekano dukeshin ende të shqetësuar në fillimin e Bundesligës, Vinsent Kompani aktualisht ka vetëm një lojtar tjetër në dispozicion në qendër të mbrojtjes, Erik Daier. Kompanis do t’i mungojë Hiroki Ito dhe Josip Stanisic për disa javë të tjera dhe shqetësimet e skuadrës së Mynihut për lëndimet mund të rriten.
Siç raporton “TZ”, Kim luajti të dielën e kaluar me një dëmtim të lehtë të muskujvenë kofshë derisa u zëvendësua nga Daier pas 81 minutash. Sipas raportimeve pranë klubit, Kristof Frojnd është i vetëdijshëm për situatën e koreano-jugorit, kjo është arsyeja pse përgjegjësit nuk po përjashtojnë plotësisht një transferim të minutës së fundit për qendrën mbrojtëse nëse do tëkrijohet një mundësi në ditët në vijim.
Nëse Kim do të mungojë për disa javë, Vinsent do të kishte në dispozicion vetëm dy qendërmbrojtës Dier dhe Upamecano, megjithëse Leon Gorecka gjithashtu mori këtë rol në miqësoren kundër Grasshopers.
Skuadra e Bayern Mynih ka ende në listë lojtarin e kombëtares Xhonatan Tah dhe nuk duhet përjashtuar plotësisht një angazhim në ditët e fundit të transfertave. Pavarësisht yllit të Leverkusenit, kohët e fundit asnjë mbrojtës tjetër nuk është lidhur me gjigandët nga Mynih.
