Pak ditë më parë qarkulloi lajmi se Ervis Kraja do të tërhiqej nga gara për postin e trajnerit të Vllaznisë por kjo nuk u pohua prej tij.
Gjithsesi, një gjë e tillë u bë e qartë mbrëmjen e së premtes kur klubi shkodran bëri publik emrat e kandidatëve për trajner të mbetur sërish në garë. Në mes tyre mungonte emri i Krajës.
Nga sa bëhet e ditur, në mbledhjen e zhvilluar administratori Lici u ka bërë të qartë anëtarëve të Këshillit Mbikëqyrës se Kraja është tërhequr nga gara për trajner.
Ai do të vazhdojë kontratën që ka me klubin shkodran dhe do të mbajë edhe në sezonin e ri detyrën e trajnerit të ekipit “B”.
Derisa të nisë punën me të, ai ka zgjedhur të bëjë disa ditë pushim me familjen e tij jashtë vendit dhe këtë e tregon përmes një postimi të bërë në rrjetet sociale.
www.shkodrasport.com
