Kontratat e futbollistëve nga sezoni në sezon po njohin shifra marramendëse. Klube të ndryshme po bëjnë “çmenduri” nga më të ndryshmet për të mbajtur lojtarët e tyre më të mirë apo dhe për të marrë të tjerë me të cilët pretendojnë të arrijnë rezultate të larta. Kështu veproi së fundi edhe Barcelona e cila ka zgjatur kontratën me futbollistin më të mirë në botë, Lionel Mesin.
Kontrata e re e firmosur vlen deri në vitin 2021. Mediat spanjolle vazhdojnë të zbulojnë prapaskena të reja në lidhje me pagën që pritet të përfitojë “pleshti” në kontratën e re.
Sulmuesi argjentinas ka nënshkruar padyshim kontratën më të shtrenjtë në histori deri më tani, pasi ai do të përfitojë plotë 43 milionë euro në sezon. Një shifër e frikshme, të cilën nuk e përfiton as Tevez në Kinë. Ish-sulmuesi i Juventusit përfiton 38 milionë euro në sezon, ndërkohë që Ronaldo është edhe pas Nejmarit të PSG që përfiton 36 milionë euro në sezon. Më poshtë mund të zbuloni renditjen e publikuar nga gazeta spanjolle “Marca”.
© shkodrasport.com
