Ish-kampioni i shahut shqiptar Harallamb Boshku u nda nga jeta dy dite me pare gjatë një turneu ndërkombëtar në Prishtinë. Njëri prej sportistëve më të suksesshëm të Shqipërisë vdiq në mënyrë të befasishme në mes të turneut.
Ai mori pjesë në 3 Olimpiada ndërkombëtare të shahut, duke regjistruar një arritje të jashtëzakonshme për shahun shqiptar, barazimin me njërin prej shahistëve më të mirë të botës në vitet ’80’-90 Zoltan Ribli në Olimpiadën e mbajtur në Novi Sad të ish-Jugosllavisë në 1990.
Boshku u mor vite më vonë me edukimin e fëmijëve për pjesëmarrje në aktivitetet e shahut.
Lindi në vitin 1953 dhe fryma e fundit jepet me 3 mars 2019. Inventari i jetës së tij, mbyll faqen e fundit 66 vjeç. Mjek nga profesioni, por në jetë mori masterin si askush NJERI.
Shahu dhe Llambi Boshku! Binom i përjetshëm. Dhe ky binom ishte aktiv, deri në pranverën e fundit të Llambit, këtij kalorësi të shahut, më parë të atij durrsak, e më tej të atij kombëtar.
Me 3 mars 2019 ka qene në kryeqytetin kosovar, Prishtinë, në një veprimtari ndërkombëtare shahu ku ka luajtur ndeshjen e tij te fundit, nuk eshte ndjere mire dhe eshte larguar prej atje duke nderruar jete nje dite me pas.
Harallamb Boshku! Mjeshtër i FIDES, me shkallë Elo 2280. Shahist i përfaqësueses shqiptare, por më parë se këtu, i renditur në brezin historik dhe të famshëm të shahut durrsak, të kryesuar nga legjendari Fatos Muço.
Vitet 70-80 janë dominuar plotësisht nga durrsakët, me përbërje të tillë si Fatos Muço, Erald Dervishi, Altin Çela, Harallamb Boshku, Kozma Nasto, Hamza Xhakoni, Lorenc Rama, Eqerem Nurçe, e shumë e shumë të tjerë. Një shkollë më vete kjo e durrsakëve në shah, një traditë e shkëlqyer, ku padyshim Llambi Boshku, mban peshë të rëndësishme të saj.
