Covid-19 po falimenton futbollin! Në Gjermani gazeta “Kicker” ka raportuar se disa ekipe do të shkrihen dhe rrezikojnë falimentimin.
Emrat e tyre nuk bëhen ende publik, por thuhet se 4 prej tyre janë nga elita, pra nga “Bundesliga”. Ndërkohë 9 të tjerat janë nga kategoritë më të ulëta.
Nëse kampionati nuk fillon në maj atëherë shtatë klube të kategorisë inferiore do të paraqesin falimentin pasi në këtë mënyrë do të humbasin paratë nga marrëveshja e të drejtave televizive.
Ndërsa skuadrat e tjera mund të vazhdojnë të funksionojnë edhe për ca kohë, por në qershor mund të humbasin likuiditetin.
Nëse sezoni nuk përfundon atëherë klubet gjermane pritet të pësojnë humbje me shifër që shkon në 750 milion euro.
