Kosova ka një shans real për të shkuar në Europian duke qenë se në muajin mars luan në “Play Off” të Europianit.
Skuadra e Kosovës do të përballet me Maqedoninë në ndeshjen gjysmëfinale dhe më pas do të luajë në finale dhe shanset për të kaluar më tej janë të shumta duke parë nivelin e kundërshtarëve.
Sulmi i Kosovës në kohët e fundit është varur nga Vedat Muriqi i cili po kalon një moment fantastik në kampionatin turk. Sulmuesi i Kosovës mungoi për Kosovën në dy ndeshjet e fundit eliminatore për në Europian, duke humbur ndeshjet kundër Republikës Çeke dhe Anglisë.
Nuhiu shënoi një gol kundër Republikës Çeke megjithatë nuk ka bindur shumë në sulm. Kjo ka bërë që Kosova të hedhë sytë nga të rinjtë dhe duket se ka arritur të sigurojë shërbimet e një sulmuesi mjaft potent. Andi Zeqiri është futbollisti më i ri i Kosovës.
20-vjeçari që ka luajtur me të rinjtë e Juventusit dhe njëkohësisht me të rinjtë e Zvicrës, është një nga sulmuesit më të mirë në kampionatin zviceran.
Zeqiri ka arritur të shënojë me Lozanën 12 gola në 18 ndeshje të zhvilluara këtë sezon në Ligën e Dytë zvicerane, ndërkohë që me 21-vjeçarët e Zvicrës ka shënuar 5 gola në 4 ndeshje. /VipSport/
