Mbrëmjen e djeshme është luajtur edhe takimi i kthimit në Europa League mes Crvena Zvezda dhe Rangers, sfidë në të cilën preu biletën për në çerekfinale skuadra skoceze.
Por një tjetër episod është publikuar nga “Republika.rs”. Sipas burimit në fjalë një grup tifozët është dëgjuar teksa thërrisnin “Kosova është Shqipëri”, ku më pas ka filluar edhe sherri mes dy tifozerive.
“Republika.rs” në Serbi shkruan se ata u përplasën jashtë hotelit “Metropol” pikërisht prej thirrjes së mësipërme.
Në rrjetet sociale është publikuar edhe video, ndërkohë që portali serb e ka cilësuar provokim të turpshëm korin e pretenduar që kanë kënduar tifozët nga Skocia.
