Kosova dhe Danimarka e mbyllën në një barazim 2-2 sfidën miqësore të luajtur në stadiumin “Fadil Vokrri” të Prishtinës, por me “dardanët” që ishin për më së shumti minuta në avantazh.
Në pjesën e parë, ishte Muriqi në minutën e 29-të, që për pak sa nuk shënoi ndaj Shmajkel, por golin e gjeti Rrahmani, në minutën e 42-të, me një fluturim spektakloar me kokë.
Në pjesën e dytë, pasi hodhi disa titullarë që i kishte lënë në stol, Danimarka shënoi me Eriksen në minutën e 63-të me penallti, pas një faulli në zonë në rrëshqitje e sipër nga Shala.
Por, barazimi zgjati vetëm 3 minuta, pasi Bersant Celina shënoi nga brenda zone, pasi u shërbye nga Zeneli. Gjithçka po shkonte drejt një fitore të madhe të Kosovës, por në minutën e 91-të, një pakujdesi në mbrojtje, i dha mundësinë Hojbjerg që të barazonte shifrat.
Gjithsesi, edhe pse nuk fitoi, ekipi i Shaland tregoi një paraqitje mjaft të mirë, dhe tashmë hedh sytë nga ndeshja me Bullgarinë, në takimin hapës për fushatën eliminatore të Europianit.
Kosovë-Danimarkë 2-2
GOL: Rrahmani 42′, Celina 66′ / Eriksen pen. 63′, Hojbjerg 91′
