Lajmi se Vllaznia B ka bojkotuar stërvitjen gjatë ditës së sotme, për arsye se nuk ka marrë rroga prej një viti, është përgënjeshtruar nga trajneri shkodran Ervis Kraja.
I kontaktuar nga “Vip Sport”, tekniku shkodran ka sqaruar se bojkoti është vetëm një sajesë, pasi ekipi është lënë pushim nga stafi drejtues dhe nesër do të rinisë stërvitja normalisht.
Ai shtoi se në ndeshjen me Tërbunin, do të ketë shumë lojtarë të rinj që vijnë nga ekipi i parë, pasi është një takim mjaft i rëndësishëm për sezonin.
Për sa i përket rrogave, Kraja shprehet se futbollistët janë takuar me administratorin Gjyrezi dhe janë sqaruar prandaj nuk ka kohë për të menduar gjëra negative.
“Sot ishte parashikuar pushim nga ana stafit megjithatë për punën e rrogave mendoj se ka probleme, por me sa di unë futbollistët kanë takuar administratorin Gjyrezi dhe kanë marrë sqarimi.
S’ka kohë për bojkot pasi nuk më shumë ndeshje. Kemi një finale dhe të gjithë së bashku ashtu si gjatë gjithë vitit do të luajmë për suksesin tonë, e mos të mendojmë gjëra negative në këtë moment.
Ndeshja me Pukën (Tërbunin) është një finale për ne dhe po mendojmë veç për këtë takim sepse do të jetë shpëtimi i të gjithë sezonit.
Nesër kemi stërvitje normalisht dhe grupi do të jetë i plotë madje i forcuar më shumë nga ekipi parë ne stërvitje. Mund të them që do të kemi lojtarë surprizë dhe ne ndeshje”, u shpreh Kraja për “Vip Sport”.
