Nëse rivali i tij e quan thuajse të mbyllur rrugën drejt titullit, trajneri i Juban Danjës Kreshnik Krepi mendon se gjërat nuk janë krejt ashtu. Ai mendon se faza e dytë mund të dhurojë të tjera surpriza ndoshta edhe ngaqë sapo është ulur në stolin e kësaj skuadre dhe mund të ndryshojë shumë gjëra në drejtimin e saj fazën tjetër.
“E rëndësishme është që sot fitoi Shkodra, fitoi futbolli. U bë një takim i bukur. Dua të them që në pjesën e parë ishte Jubani që dominoi lojën. Kishim mundësi pas golit të avantazhin të dyfishonim shifrat. Në pjesën e dytë them që Ada reagoi dhe ishte më mirë në zhvillimin e lojës. Na privoi fakti që s’kishim lojtare rezervë në nivel me ato që luajtën në formacionin e parë dhe u ndje lodhja. Titulli kampion është i hapur sepse janë edhe 7 javë për tu luajtur. Natyrisht që Ada është Kampione në fuqi dhe ishte skuadra për tu mundur. Tentuam por nuk ia arritëm”-ka thënë ai.
Ekipi i “Juban Danjës” para ndeshjes së sotme
Foto: Gjon Gjeka
