Nga Maringlen ZHIVANI
Prej pak ditësh eshte krijuar dhe ka nisur funksionimin e tij edhe nje tjeter ekip basketbolli. Behet fjale per ate U20 te Vllaznise i cili do te marre pjese edhe ne kampionatin kombetar te kesaj grupmoshe.
Shoqata e basketbollit Vllaznia mësohet se ia ka besuar detyrën e trajnerit, pikerisht Kristjan Koçekut. Ky i fundit ka mbajtur prej disa vitesh detyrën e zv/trajnerit të ekipit U-18 dhe U-16, ku ka arritur jo pak suksese, teksa tashmë do të drejtojë një ekip më të rriturish, pikërisht grupmoshën U-20.
Ky ekip i ri i formuar së fundmi shpresohet që të ketë një ecuri të mirë dhe pasionin e madh që Koçeku ka për basketbollin, ta demonstrojë edhe në pozicionin e ri drejtues, ashtu siç ka bërë edhe vitet e kaluara te grupmoshat më të vogla.
Pak problem mbetet ana financiare sepse duke qene se eshte nje ekip i ri, Bashkia Shkoder dhe Shoqata e Basketbollit Vllaznia nuk kane patur fonde te planifikuar per te dhe si rrjedhoje te gjitha shpenzimet e pjesmarrjes ne kampionat do te mbulohen nga vete trajneri dhe sportistet.
Pjesë e Vllaznia U20 janë edhe dy basketbollistë nga ekipi i parë, siç janë Shabaj dhe Kopliku, të cilët pritet të jenë një ndihmesë e madhe në lojën e kësaj skuadre. Objektivi i Vllaznisë U-20 ende nuk është bërë i ditur, por me siguri që synimi kryesor do të jetë arritja në finalen e kampionatit, duke qenë se numri i ekipeve pjesëmarrëse është i paktë, vetëm pesë, pasi bëhet fjalë për një kampionat risi këtë sezon./www.shkodrasport.com/
