Është sezoni i tij i dytë si titullar te Vllaznia, duke qenë një nga protagonistët e skuadrës kuqeblu. qarriGardiani shkodran, Kristi Qarri, ka folur në një intervistë për “Panorama Sport” në lidhje me kampionatin dhe ecurinë e skuadrës së tij. Portieri është ndalur tek performanca e ekipit në tërësi, por edhe ajo individuale. Po ashtu 23-vjeçari tregon edhe se kush është sulmuesi më i fortë i Superiores, sipas tij.
Qarri, një Vllazni e pandalshme në fazën e dytë. Çfarë ka ndryshuar te skuadra?
Unë besoj se kemi bërë mirë edhe në fazën e parë, sepse jo më kot jemi në krye të kampionatit. Dhe besoj se jemi aty plot meritë dhe me pikë të fituara në fushë. Por ndoshta në disa ndeshje jemi ndëshkuar në fund, duke humbur pikë të rëndësishme. Megjithatë, ne po punojmë që të përmirësohemi nga ndeshja në ndeshje.
Cili është synimi në ndeshjen e radhës kundër Egnatias?
Egnatia është ekipi kampion në fuqi i vendit. Ne i dimë cilësitë dhe vlerat që ata kanë. Edhe në këtë sezon ata kanë ekip shumë të mirë, por ne po punojmë fort që të shtunën të kthehemi me 3 pikë nga Rrogozhina.
