Boksieri shkodran Kristian Demaj nuk ka mundur të bëjë realitet as sot fitoren e tij të parë në ringun profesionist. Ai është mundur nga boksieri rus Eduard Yakushev me rezultatin e tre gjyqtarëve të tavolinës 3-0. Në fakt, epërsia e boksierit rus ka qenë e pranishme në të 5 raundet e kësaj ndeshje. Ai ka bërë një ndeshje më të mirë dhe ajo që është parë qartë ka qenë forma fizike më e mirë e tij. Rezultatet përfundimtare të tre gjyqtarëve kanë qenë 49-46, 50-45 dhe 50-45 në favor të Yakushev. Demaj ndërkohë është munduar të bëjë më të mirën e tij megjithatë e ka patur të vështirë të boksojë ndaj këtij rivali me shumë përvojë por edhe me një forcë të madhe fizike. Ndeshja e sotme ka qenë e vlefshme për World Series Boxing (WSB) në duelin mes ekipeve Russian Team Boxing dhe Mexico Guerreros, pjesë e të cilit është edhe shkodrani Demaj që ka firmosur me të një kontratë tremujore. Boksierët e ekipit rus në fakt kanë paraqitur një formë shumë të mirë teksa i kanë fituar të pesë duelet me kundërshtarët e tyre të ekipit meksikan. Për Demën këtë muaj pritet të ketë edhe një ndeshje tjetër, e treta kjo në ringun profesionist dhe të shpresojmë që të jetë e treta e vërteta për të arritur fitoren e parë të tij në këtë lloj boksi.www.shkodrasport.com
