Mesfushori i njohur nigerian, John Obi Mikel, nuk do të jetë më pjesë e skuadrës turke të Trabzonspor, pasi pak çaste më parë, u zyrtarizua prishja e kontratës me konsensus.
Ky divorc, ishte deri diku dhe i pritshëm, për shkak të komenteve të bëra në rrjetet sociale nga ish-mesfushori i Chelsea.
Mikel kritikoi Federatën Turke të Futbollit për vazhdimin e kampionatit, duke mos u ruajtur aspak nga një përhapje e mundshme mes lojtarëve të Koronavirusit.
Këto komente, nuk janë pritur mirë nga klubi i Trabzonspor, që i ka ndërprerë kontratën mesfushorit. Tashmë, John Obi Mikel është lojtar i lirë…/abcnews/
