Ashtu siç u kishte premtuar, kryebashkiakja e Shkodrës Voltana Ademi ka qenë sot pranë ekipit të Vllaznisë për ta mbështetur në ndeshjen e parë të kampionatit, ata që u zhvillua në stadiumin “Loni Papuçiu” ndaj ekipit të Lushnjes. Ajo ka takuar ekipin që perpara fillimit të takimit duke i kërkuar suksese dhe njëkohësisht angazhim maksimal në fushë.
Presidentja e Vllaznisë e ka ndjekur me shumë ndeshjen për 90 minuta nga ambjentet e stadiumit dhe në fund padyshim që është gëzuar pa masë për këtë fitore të arritur. Në fundin e takimit, Ademi ka pritur ekipin në hyrje të dhomave të zhveshjes bashkë me administratorin Gjyrezi duke uruar me rradhë të gjithë futbollistët dhe pjestarët e stafit teknik. Nuk ka munguar edhe ndonjë batutë e kryebashkiakes me portierin Selimaj dhe me trajnerin Cungu. Prania e zonjës Ademi në stërvitjen e djeshme por edhe në ndeshjen e sotme, është tregues se ajo do t’i qëndrojë më afër Vllaznisë.
© shkodrasport.com
