E lumturuar që skuadra e qytetit të saj e nisi mbarë kampionatin e ri, kryebashkiakja e Shkodrës, zj.Voltana Ademi është gëzuar edhe më shumë për pozicionin që mban. Ajo ka qenë e pranishme në ndeshjen e parë të kampionatit të luajtur në Fier ndaj Lushnjës dhe kuptohet që ka ndjerë emocione për lojën dhe mbi të gjitha për fitoren e arritur. Për këtë arsye, me t’u kthyer në Shkodër ka nxituar të hedhë një status në faqen e saj në facebook ku shkruan:
“Lushnja-Vllaznia 0 -2. E nisëm me këmbë të mbarë! Jo vetëm ne që ishim në stadium, por të gjithë tifozeve të shumtë që e ndoqën nga televizioni, djemte i dhuruan emocion. Forca Vllaznia! Do bëjme gjithçka për skuadrën tonë të zemres”. Kaq mjafton që ajo dhe institucioni që përfaqëson do t’i qëndrojnë më afër ekipit. Për t’i ofruar më shumë mbështetje dhe financa por edhe për të kërkuar më shumë llogari në mënyrë që të mos përsëriten disa gabime që u bënë sezonin e shkuar.
© shkodrasport.com
