Emiliano Musta nuk do të bashkohet me Kukësin. Mbrojtësi i krahut të majtë u largua nga Laçi pas mbylljes së sezonit dhe ishte pranë firmës me verilindorët.
Kjo pasi palët kishin gjetur akordin disa ditë më parë. Kur lojtari është paraqitur në zyrat e klubit për të firmosur kontratën e re, gjithçka është prishur.
Newsport.al mëson se shkaku i prishjes së akordit ka qenë nga vetë Musta që ka ndryshuar mendje në momentin e fundit dhe ka kërkuar të gjejë një marrëveshje të re.
Por një gjë e tillë nuk është pranuar nga Kukësi që ka bërë prapa-ktheu duke mos pranuar kushtet e lojtarit. Në këtë mënyrë dështon firma e mbrojtësit nga Elbasani me skuadrën verilindore./newsport/
