Kukësi është mundur para tifozëve të tij me rezultatin 1-2 nga Flamurtari në takimin e vlefshëm për javën e 1 të Kategorisë Superiore.
Golat e shënuar në fundin e pjesës së parë nga Veliu dhe Alvesh, kanë mjaftuar për t’i dhënë fitore kuqezinjve me rezultatin 1-2.
Në pjesën e dytë, Kukësi hyri në lojë shpejtë me anë të Shpehar që shënoi në minutën e 49, por goli i tij nuk ka mjaftuar për t’i dhënë pikë verilindorëve.
Në fushën e blertë, është zhvilluar një takim mjaft i bukur dhe me ritëm nga të dyja skuadrat, ku në fund ashtu si në fazën e parë, kanë fituar vlonjatët.
Javën e ardhshme, Kukësi luan në kryeqytet ndaj Tiranës, ndërkohë që Flamurtari pret në shtëpi Luftëtarin. Me këtë fitore, Flamurtari është ngjitur në vendin e katërt, ndërkohë që Kukësi qëndron në vendin e tretë. /VipSport/
