Dy ditë më parë ekipi kosovar Trepça ’89 zyrtarizoi Gugash Maganin në krye të pankinës së tyre. Një veprim i tillë erdhi ngaqë trajneri shkodran Armando Cungu refuzoi marrjen e kësaj detyre. Në fakt, vetë ai pak ditë më parë do deklaronte se përveç ofertës së ekipit kosovar, kishte edhe të tjera nga Superliga shqiptare. Njëra prej tyre është përfolur që të jetë ajo e Kukësit. Por edhe kjo alternativë ka rënë poshtë.
Kjo ngaqë presidenti i kësaj skuadre Safet Gjici duket se e ka vendosur të ardhmen e pankinës së saj. Ai do të jetë Zekerija Ramadani. Madje përveç tij, Kukësi ka caktuar tashmë edhe drejtorin e ri teknik që është Nderim Nexhipi. Gjithsesi Cungu nuk nxitohet. Ai ka të tjera oferta dhe mbase në ditët e ardhshme do ta shohim në një tjetër pankinë.
© shkodrasport.com
