Në Shkodër presin kthesën, teksa ndaj Kukësit duhen patjetër tre pikët. Ai barazim në minutat e fundit ndaj Erzenit, duhet harruar sa më shpejt.
Megjithatë, përballë do të kenë një kundërshtar të vështirë, siç është Kukësi, i cili gjithashtu është i etur për pikë dhe kërkon të dalë nga gjumi letargjik i dy ndeshjeve të fundit.
Vllaznia e trajnerit Mirel Josa kërkon ta kthejë në grintë dhe forcë barazimin në minutat e fundit ndaj Erzenit. Shkodranët shkojnë me motivimin dhe historinë me vete, pasi në katër sfidat e fundit me Kukësin, nuk njohin humbje. Ata kanë fituar dy ndeshje dhe dy të tjerat kanë përfunduar në barazim.
Ndeshja Kukësi-Vllaznia do të luhet ditën e nesërme në stadiumin “Kukës Arena”, duke nisur nga ora 13:00 dhe do të transmetohet live në kanalet e platformës “OverSport”.
Maringlen ZHIVANI
