Kukësi do të luajë në datën 11 korrik ndeshjen e parë të Ligës së Kampionëve përballë Valetës në stadiumin “Loro Boriçi” të Shkodrës.
Kur kanë mbetur edhe 2 javë nga kjo përballje, klubi i Kukësit ka njoftuar se ka nisur shitja e biletave për këtë takim.
Kështu, të gjithë tifozët që duan të ndjekin nga pranë këtë takim, në kuadër të Ligës së Kampionëve, biletat mund t’i blejnë në 4 pika të ndryshme.
Tifozët nga Tirana, mund t’i marrin pranë stadiumit “Selman Stërmasi”. Në stadiumin “Loro Boriçi” mund t’i marrin ata që janë në Shkodër, ndërkohë që vetë kuksianet që rrinë në Kukës, kanë mundësi për ta blerë një biletë te rruga e Xhamisë.
Është menduar edhe për tifozët e shumtë që jetojnë në Kamëz, të cilët kanë mundësi të blejnë bileta te rruga Skënderbeu.
Çmimet për këtë takim, janë të arsyeshme, duke qenë se më e lira kushton vetëm 300 lekë, çmim ky q mund të përballohet nga tifozët, të cilët duhet të jenë të shumtë duke parë edhe rëndësinë e takimit.
“FK Kukësi njofton të gjithë tifozët që duan të ndjekin ndeshjen e turit të parë eliminator të Champions League ndaj FC Valleta se ka nisur shitja e biletave për ndeshjen e parë, që do të luhet në stadiumin “Loro Boriçi” të Shkodrës, më 11 korrik, ora 19:00.
– Biletat gjenden çdo ditë në Tiranë, në sportelin pranë stadiumit “Selman Stërmasi”, nga ora 10:00, deri 17:00.
– Pika në Kamëz në rrugën “Skënderbeu” ku shiten gazetat, çdo ditë nga ora 07: 00, deri në 22:00.
– Pika në Kukës është rruga e Xhamisë përballë market “Germizi”, nga ora 10:00, deri 23:00.
– Pika në Shkodër, biletaria e stadiumit “Loro Boriçi”, çdo ditë nga ora 10:00 deri në 22:00.
Çmimet e biletave:
– Në tribunën VIP kushton 3000 lekë të reja
– Tribuna A dhe B kushton 1500 lekë të reja
– Tribuna D e gjitha 500 lekë të reja
– Tribuna C e gjitha 300 lekë të reja
– Tribuna E1, E2, E3 dhe E4 kushton 300 lekë të reja
– Tribuna E5 është e miqve”, shkruhej në njoftimin e klubit verilindor. /Vipsport/
