Real Madridi kalon në 1/8-at e finaleve të Kupës së Mbretit duke fituar me rezultat 5-0 ndaj Deportiva Minera. Një mbrëmje spektakolare për Los Blancos.
Fede Valverde gjeti rrugën e rrjetës që në minutën e pestë me një gol fantastik dhe që aty u kuptua sesa e thjeshtë do të ishte ndeshja për madrilenët.
Eduardo Camavinga shënoi golin e dytë duke sjellë qetësinë absolute për Real Madrid, që po luante si në një ndeshje stërvitore. Në mesin e pjesës së parë, talenti turk Arda Guler shënoi golin e tretë me asist të Valverdes.
Luka Modric hapi pjesën e dytë duke shënuar golin e katërt për Los Blancos, ndërsa mbylljen e bëri sërish turku Arda Guler. 5-0, emocione, spektakël dhe kualifikim për Real Madrid!
