Klubet shqiptare në këtë sezon kanë formuar ekipet U21 teksa këto të fundit do të zhvillojnë kampionatin e tyre.
Një mundësi më shumë për të rinjtë që të spikasin e më pas të tentojnë të ngjiten në skuadrën e parë.
Sakaq, në ekipin U21 të Laçit do të mbërrijë një trajner me shumë eksperiencë si Stavri Nica.
Ky i fundit ka qenë edhe në drejtimin e Laçit në të kaluarën teksa ka fituar edhe Kupën e Shqipërisë me kurbinasit.
Te Laçi ka pasur një fokus të madh drejtuar talenteve, ndaj kanë menduar të caktojnë edhe një teknik me eksperiencë për të shpejtuar formimin e futbollistëve dhe për t’i bërë ata më pas gati për të marrë pjesë në ekipin e parë dhe në elitën e futbollit shqiptar. /VipSport/
