Pas nje dite pushimi, ekipi i Vllaznise i eshte rikthyer sot serish procesit stervitor duke nisur ne kete menyre pergatitjet per ndeshjen e pare gjysmefinale te Kupes se Shqiperise ndaj Egnatias, ndeshje kjo qe do te luhet te merkuren ne oren 18:00 ne stadiumin “Loro Boriçi”.
Ne seancen e sotme nderkohe e veçanta ka qene prania ne stervitje edhe e futbollistit Esat Mala. Siç dihet, ai u pat demtuar ne ndeshjen me Partizanin ne Shkoder teksa theu klavikulen e per kete iu nenshtrua nderhyrjes kirurgjikale.
Prej 6 javesh ai ka qene ne fazen e rikuperimit dhe gjerat per momentin po shkojne mire, por sigurisht qe i duhet ende kohe per te kapur formen e tij me te mire. Sot Mala thjesht ka zhvilluar disa vrapime te lehta dhe me kalimin e diteve mund te rrise edhe ngarkesat stervitore.
Shpresat jane qe te pakten ai te jete i gatshem per te luajtur pas 2-3 javesh, per te dhene kontributin e tij ne pjesen me te rendesishme te sezonit dhe ndoshta edhe ne finalen e Kupes, gjithmone nese Vllaznia arrin te kualifikohet.
Kujtojme qe Esat Mala ka qene lojtari me ne forme i Vllaznise se ketij sezoni, shume percaktues me lojen e tij ne repartin ofensiv dhe demtimi i tij padyshim qe ka lene gjurme tek loja dhe rezultatet e skuadres./SHKODRA-SPORT.COM/
