Pas asaj ndaj Buduçnost, ekipi i Vllaznise kishte planifikuar edhe zhvillimin e nje tjeter ndeshje miqesore ne Shkoder. Ajo ishte menduar te luhej pasditen e neserme, konkretisht ne oren 19:00 ne stadiumin “Loro Boriçi” dhe perballe kuqebluve ishte menduar te luante skuadra kampione e Malit te Zi, Deçiq i Tuzit.
Por nderkohe, gazeta “Shkodra Sport” meson se kjo miqesore eshte anulluar dhe arsyeja ka te beje me nje kerkese te tuzianeve per te mos e luajtur ate per shkak te disa probleme organizative qe u kane dale se fundi.
Ne keto rrethana, drejtuesit e Vllaznise kane qene te detyruar ta pranojne kete vendim te tyre dhe si rrjedhoje diten e neserme thjesht do te vijojne procesin stervitor me seancat e zakonshme, te shoqeruar me ngarkesa te larta fizike.
Drejtuesit shkodrane nderkohe jane kujdesur qe ekipit te mos i mungojne miqesoret ne stervitjen jashte vendit, ku kane planifikuar te zhvillojne tre te tilla, te cilat do ta ndihmojne stafin teknik per konsolidimin e formacionit dhe te menyres se lojes perpara ndeshjeve europiane me islandezet e Valur qe do te zhvillohen ne datat 11 dhe 18 korrik./www.shkodrasport.com/
